महाराष्ट्र राज्यातील नागरिकांना शासनामार्फत व शासनाचे अधिनस्त सर्व सार्वजनिक प्राधिकरणांमार्फत दिल्या जाणाऱ्या अधिसूचित सेवा पारदर्शक, गतिमान व विहित कालमर्यादेत देण्यासाठी महाराष्ट्र लोकसेवा हक्क अधिनियम २०१५ पारित करण्यात आला असून तो दि. २८.०४.२०१५ पासून अंमलात आहे. नागरिकांना सुलभ व कालमर्यादित सेवा मिळाव्यात हे त्याचे उद्दिष्ट आहे.

वरीलप्रमाणे अधिसूचित सेवा नागरिकांना दिल्या जात आहेत किंवा नाही यावर देखरेख, समन्वय, सनियंत्रण ठेवण्यासाठी व या संदर्भात सुधारणा सुचविण्यासाठी उपरोक्त कायद्यान्वये महाराष्ट्र राज्य सेवा हक्क आयोग गठीत करण्यात आला असून आयोगामध्ये एक मुख्य आयुक्त व सहा आयुक्त कार्यरत आहेत. आयोगाचे मुख्यालय नविन प्रशासकीय भवन, मंत्रालयासमोर, मुंबई येथे असून सहा विभागातील मुख्यालयाच्या ठिकाणी आयुक्तांची कार्यालये आहेत.

पात्र नागरीकांना विहित वेळेत सेवा न मिळाल्यास अथवा नियमोचित कारणाशिवाय ती नाकारल्यास अशा निर्णयाविरुद्ध संबंधितांना वरीष्ठांकडे प्रथम व द्वितीय अपिल करता येते व तरीही समाधान न झाल्यास आयोगाकडे तृतीय अपिल करता येते. कसूरदार अधिकान्यास प्रतिप्रकरण रु. ५०००/- पर्यंत दंड होऊ शकतो. या विभागामार्फत दिल्या जाणाऱ्या अधिसुचित सेवांची यादी सोबतच्या प्रपत्रात दिली आहे.

लोकसेवा हक्क अधिनियम २०१५ च्या कलम ३ (१) अन्वये खालील परिष्ठांमध्ये नमूद केल्याप्रमाणे सेवा अधिसूचित करण्यात आल्या आहेत.

प्रपत्र -अ

शासन निर्णय, सामाजिक न्याय व विशेष सहाय्य विभाग क्रमांक, संकीर्ण-२०१५/प्र.क्र.५३/समन्वय, दि. २४ नोव्हेंबर, २०१५ व ०५ सप्टेंबर, २०२२ रोजीचे पत्र

अ. क्र.	सेवेचे नाव	सेवा पुरविणारा अधिकारी	कालावधी	अपीलीय अधिकारी
				प्रथम अपीलीय अधिकारी	द्वितीय अपीलीय अधिकारी
१.	शासकीय वसतिगृह प्रवेश
	अ) मॅट्रिक पूर्व वसतिगृह प्रवेश	गृहपाल	अर्ज केल्यानंतर १ महिना	सहाय्यक आयुक्त समाज कल्याण, सिंधुदुर्ग	प्रादेशिक उप आयुक्त समाज कल्याण, मुंबई
	ब) उच्च माध्यमिक वसतिगृह प्रवेश	गृहपाल	१५ ऑगस्ट पर्यंत	सहाय्यक आयुक्त समाज कल्याण, सिंधुदुर्ग	प्रादेशिक उप आयुक्त समाज कल्याण, मुंबई
	क) व्यावसायिक वसतिगृह प्रवेश	गृहपाल	सप्टेंबर अखेर	सहाय्यक आयुक्त समाज कल्याण, सिंधुदुर्ग	प्रादेशिक उप आयुक्त समाज कल्याण, मुंबई
	ड) अव्यावसायिक वसतिगृह प्रवेश	गृहपाल	सप्टेंबर अखेर	सहाय्यक आयुक्त समाज कल्याण, सिंधुदुर्ग	प्रादेशिक उप आयुक्त समाज कल्याण, मुंबई
२.	परदेशी शिष्यवृत्ती	विशेष अधिकारी (भासशि) समाज कल्याण आयुक्तालय पुणे	ऑक्टोबर अखेर	उपायुक्त, (शिक्षण) समाज कल्याण आयुक्तालय, पुणे	सह आयुक्त, (शिक्षण) समाज कल्याण, पुणे
३.	देशांतर्गत शिष्यवृत्ती	विशेष अधिकारी (भासशि) समाज कल्याण आयुक्तालय पुणे	ऑक्टोबर अखेर	उपायुक्त, (शिक्षण) समाज कल्याण आयुक्तालय, पुणे	सह आयुक्त, (शिक्षण) समाज कल्याण, पुणे

महाराष्ट्र सेवा हक्क आयोगाची वेबसाईट खालीलप्रमाणे आहे राज्य:- https://aaplesarkar.mahaonline.gov.in

• महाराष्ट्र लोकसेवा हक्क अधिनियम २०१५
• लोकसेवा हक्क अधिनियम राजपत्र
• अधिसूचित केलेल्या सेवांची यादी

• शासन निर्णय डाऊनलोड करा

* शा. नि. क्र. संकीर्ण 2015 – प्र. क्र. 53 -समन्वय, दि. 24 नोव्हेंबर, 2015-सामाजिक न्याय
* शा.नि. क्र.संकीर्ण-2017प्र.क्र.144समन्वय दि. 23-08-2018
* शा.नि.क्र. संकीर्ण-2016प्र.क्र.68समन्वय दि 28-09-2016
* संकीर्ण-2016-प्र.क्र.68-समन्वय, दि.28.09.2016-सामाजिक न्याय
* संकीर्ण-2017-प्र.क्र-144-समन्वय, दि.23.08.2018-सामाजिक न्याय